WENDOXAN RÊ

Wendoxî delalî, 

Ma bi hûmarê 43ine reyna pîya yê. Na hûmare de gelek babet û çend nuştoxî neweyî estî. La ma hewce nêvînenî ke tîya de hemîne name bikerî. Xora şima bi xo nînan vînen û wanenî. 

Wendoxî delalî, 

Kombîyayîşî 25. yê Grûba Xebate ya Vateyî mabeynî 29.11.2014-04.12.20.14 de Dêrsim de virazîya. No Kombîyayîş bi hetkarîyê Beledîyê Dêrsîmî ame amadekerdene, heqî rayîrî ra teber mesref Beledîyê Dêrsimî girewt xo ser. 

Kombîyayîş de seba Vateyî Redaksîyonêko newe zî (kî) ame weçînetene. Serredaktor Munzur Çemî, semedê (rîyê) problemanê weşîye ra xebatê redaksîyonî ra xo peyser ant. M. Selîm Uzunî zî cayî xo da embazanî neweyan. Herindê nê embazan de J. Îhsan Espar û Nadîre Guntaş Aldatmaz sey endamanî Redaksîyonî ameyî weçînitene. Ma, Redaksîyonî neweyî rê (Nureddîn Celalî, J. Îhsan Espar û Nadîre Guntaş Aldatmaz) serkewtiş wazenî û çiqas ke ma dest ra ame xebata kovare de benî ardimkarî înan.

Wendoxî delalî, 

Seke şima zanî aşma ke ma tede yê aşmê Gaxanî ya. Gaxan serrneweyî kurdan o. Ma wazenî hûmarê 43ine şima rê bikerî hedîyeyî Gaxanî. Ma hêvî kenî ke Vate Gaxan de bikewro destê şima. 

Ma, Gaxanî şima pîroz kenî, serra newîye de şima rê serfîrazî û bextewarî wazenî!.. 

Heta hûmara bîne weşîye de bimanê!