Mehmûd Badilî, li gundê Hemê Xatê yê girêdayî bajarê Dirbêsiyê li Rojavayê Kurdistanê di 02.02.1973an de ji dayik bûye. Xwendina xwe ya seretayî li gundê Şorê temam kiriye, dûv re ya navendî û diwanavendî li bajarê Til Temirê. Dûv re di sala 1993an de derbasî kolêja perwerdehiyê bûye. Lîsans û Diploma beşa Derûnî (Psychologie) li zanîngeha Şamê wergirtiye.Di sala 2002an de li bajarê Hesekê bi cih dibe û li yek ji dibistanên wê di warê rêberiya derûnî û perwerdeyî de karê wî dest pê dike. Nivîsên wî, gotar, lêkolîn, helbest û çîrok di gelek kovar û malperên Kurdî de belav bûne. Wek kovara Wyê, Dilname, Sormî, Dîwar, Bernamegeh û wd. Di sala 2013an de ji Rojavayê Kurdistanê derdikeve û mafê penaberîyê li Almanyayê werdigire. Niha li bajarê Aachena Almanyayê bi cih bûye û xebatên xwe yê nivîskariyê dimeşîne.
Berhemdarî:
Şêlûbêla Bêdengiyê (Helbest) 2004
Nexşen Dînîtiyê (Helbest) Dar Elzeman, 2006
Çemê Êvarê (Helbest) Semakurd 2008 – Dubey
Wêneyin ji paxila avê (Helbest) Ar, 2020 – Stenbol
Rê heyvanê her tiştî ye (Helbest) Ar, 2020 – Stenbol
Sivdera Şewatê (Çîrok) Ar, 2020 – Stenbol
Şana keskesorê (Hayko) PDF Haykoya Kurdî 2021
Li vir sar ji xwe dibarim (Helbest) J&J, 2022 – Amed
Werger:
Çemê Morîkan (Helbest) Erebî >Kurdî, Majda Darê – 2019
Pirtûk, Şano, destnivîs, Erebî > Kurdî, Imad Mustefa
Kehreman (Roman) Ava, Erebî > Kurdî, Rêzan Îsa – 2021
