Gotinên Pêşîyan Cewhera Zimanê Kurdî ne
Zimanê Kurdî zimaneke dewlemend e. Miletê Kurd jî qedîmtirîn miletek e li ruyê dinê. Wek her miletekî, netewa Kurd jî di dirêjahîya hezarsalan da êş û elem, hest û dilşahîyên xwe, serborîyên jîyana xwe bi zimanê xwe îfade kirîye û mane lê barkiriye. Herwisa gelê Kurd çand, huner, hest û xisusiyetên xwe yên neteweyî bi saya ziman neqlê nifşên nû kiriye. Û bi vê awayî li himber gelek karesat û bablisokên dîrokî heta îro li ser pîyan maye.
Li vir girîngîya Gotinên Pêşîyên me derdikevên holê. Mirov dikare bêje ku gotinên pêşîyên me cewhera zimanê Kurdî temsîl dikin. Gotinên pêşîyan, bi kêm peyvan, lê mane û peyamên mezin ji me ra dibêjin. Gotinên pêşîyan di eynî wextê da dewlemendî û kurahiya zimanê Kurdî nişanê me didin. Pir caran yek gotinêke pêşîyan dikare ji pirtukek yan jî ji ansiklopediyek zêdetir fikr û peyaman ji me ra vebêje. Bi gotineke din, gotinên pêşîyan di dirêjahîya hezar salan da nisilîne û gihîştine me; nifşên îro. Ew bi peyvên kin û kurt gelek tiştan xulase dikin û radixin ber çavên me.
Ji aliyê çand, ziman, edebiyata devkî û gotinên pêşîyan da herêma Mêrdînê heremeke gelek rengîn e û wek xezîne ye. Li vir tu sohbetek tune ye ku bi gotineke pêşîyan destpêneke. Ji ber vî ya ye ku gelek kesên hunermend û nivîskar ji vê herêmê derketine û ji zimanê Kurdî ra xizmetên baş kirine.
Salih Omerî ji ber ku li Mêrdînê ji dayik bûye, jîyana wî di nava çandeke zindî û rengîn da derbas bûye. Ew merivê civatê ye, ziman û rihê civatê baş nasdike û pêwendiyên wî bi xelqê ra gelek baş in. Di sî-çil salên dawî da jî jîyana xwe li Swedê derbas kiriye. Hem jiyan û serpêhatîyên wî yên li welat û him jî yên dervayê welat mecal daye ku gelek gotinên pêşîyên me berhev bike, wan şirove bike û pêşkêşê me bike. Salih Omerî jibo vê karî gelek kar û xebat kiriye, keda xwe daye vê mijarê û berhemeke delal derxistiye holê.
Di demeke da ku zimanê kurdî di bin gefên xeternak, di bin xetera pişaftin û tunebûniyê da ye, xebatên derbarên ziman, çand û hunera Kurdî girîngtir dibin. Ev pirtuka Salih Omerî di vê warî da xizmeteke pîroz e. Em hêvî dikin ku karên derbarê ziman, çand û folklora Kurdî berdewam bin.
Em wek Weşanên Dengê bi çapa diduyan a vê berhema hêja bextewar in.
Zimanê Kurdî zimaneke dewlemend e. Miletê Kurd jî qedîmtirîn miletek e li ruyê dinê. Wek her miletekî, netewa Kurd jî di dirêjahîya hezarsalan da êş û elem, hest û dilşahîyên xwe, serborîyên jîyana xwe bi zimanê xwe îfade kirîye û mane lê barkiriye. Herwisa gelê Kurd çand, huner, hest û xisusiyetên xwe yên neteweyî bi saya ziman neqlê nifşên nû kiriye. Û bi vê awayî li himber gelek karesat û bablisokên dîrokî heta îro li ser pîyan maye.
Li vir girîngîya Gotinên Pêşîyên me derdikevên holê. Mirov dikare bêje ku gotinên pêşîyên me cewhera zimanê Kurdî temsîl dikin. Gotinên pêşîyan, bi kêm peyvan, lê mane û peyamên mezin ji me ra dibêjin. Gotinên pêşîyan di eynî wextê da dewlemendî û kurahiya zimanê Kurdî nişanê me didin. Pir caran yek gotinêke pêşîyan dikare ji pirtukek yan jî ji ansiklopediyek zêdetir fikr û peyaman ji me ra vebêje. Bi gotineke din, gotinên pêşîyan di dirêjahîya hezar salan da nisilîne û gihîştine me; nifşên îro. Ew bi peyvên kin û kurt gelek tiştan xulase dikin û radixin ber çavên me.
Ji aliyê çand, ziman, edebiyata devkî û gotinên pêşîyan da herêma Mêrdînê heremeke gelek rengîn e û wek xezîne ye. Li vir tu sohbetek tune ye ku bi gotineke pêşîyan destpêneke. Ji ber vî ya ye ku gelek kesên hunermend û nivîskar ji vê herêmê derketine û ji zimanê Kurdî ra xizmetên baş kirine.
Salih Omerî ji ber ku li Mêrdînê ji dayik bûye, jîyana wî di nava çandeke zindî û rengîn da derbas bûye. Ew merivê civatê ye, ziman û rihê civatê baş nasdike û pêwendiyên wî bi xelqê ra gelek baş in. Di sî-çil salên dawî da jî jîyana xwe li Swedê derbas kiriye. Hem jiyan û serpêhatîyên wî yên li welat û him jî yên dervayê welat mecal daye ku gelek gotinên pêşîyên me berhev bike, wan şirove bike û pêşkêşê me bike. Salih Omerî jibo vê karî gelek kar û xebat kiriye, keda xwe daye vê mijarê û berhemeke delal derxistiye holê.
Di demeke da ku zimanê kurdî di bin gefên xeternak, di bin xetera pişaftin û tunebûniyê da ye, xebatên derbarên ziman, çand û hunera Kurdî girîngtir dibin. Ev pirtuka Salih Omerî di vê warî da xizmeteke pîroz e. Em hêvî dikin ku karên derbarê ziman, çand û folklora Kurdî berdewam bin.
Em wek Weşanên Dengê bi çapa diduyan a vê berhema hêja bextewar in.
