Heta îro ji hin nasnameya Şarê Adiyeman ya şehrevaniyê pêk nehatiye, lê di vê mijarê de Adiyeman xwedi derfet û belgeyên geleki xurt, dewlemend û bêhempa ye. Bes li vi bajarî kesên bixwazin li ser vê mijarê xebatê bikin hebin.

Gava mirov li ser çavkaniyên ku di der barê vî bajari de hati nivisin dikeve nav tevger û lêkolînan, wê gavê tê famkirin ku berehmên di vê mijarê de hati nivisin, yên hêjayî xwendinê gelekî kêm in. En hatî nivîsîn jî ne bêteref û objektiv in, lew ku piraniya wan bi mentiqa rêvebirên dagirker hatine nivîsin. Kesên ku ew berhem nivîsandi, bi rêvebirên vî bajarî yên dagirker re, bi heman zimani diaxivin, bi piranî ew kesên çavbirçî, vî welatî ji bo xwe, xism û terefgirên xwe wekî deriyê rant ú qezencê dibînin.

Di rastiya xwe de Adiyeman û derdora wê, ku ji aliyê dagirker û menfaetperestên hov ve neyê lewitandin, hem ji aliyê çavkaniyên xwezayî ve hem jî ji aliyê avhewa ù xweşikiya derawaya xwe ve, ji bo kesên ku li ser dijîn beheşteke ruzeminê ya bêdawî ye. Bes ku kesên li ser axa vî welatî dijîn, hişyar bin û haya wan li vê dewlemendiyê hebe. Her wiha divê hemwelatiyên Adiyemanî xwedî berteka parastina welatê xwe bin, çavkaniyên wê bi destê diz û daberizên çavbirçî û hov ve bernedin. Bêguman ew jî têrê nake, divê xwediyên vî warî, xwedî hiş û feraseta ku dikare kan, çavkanî û dewlemendiyên xaka xwe, bêyî ku zirarê bidin xwezaya wê veguhezinin xêr û bêrê.