mi çimê xo dîgnayê a tarîtî mîyan de
ez wazena vîndî biba
no sûretê mi wa ne şewqê aşme de
ne versîya awe de
ne zî şibakan ser o biaso
ne zî helmê tarîtî de lêl biko
wa vîndî bibo şoro na tarîtîya pîroze mîyan de
wa heme vîrraşîyayîşî tarî bê êdî
wa vîr ra şoro sûretê mi zî na deşta tarîye ser o
sey heme vîrraşîyayîşanê tarîyan
neqiş meke sûretê mi nê camî ser o
ey neqaşe!
wa vîndî bibo şoro
menuse ê qisayanê tarîtî û ebedîyetî
ey xetate!
wa ê zî vîndî bibê û şorê na şewa tarîye de…
![Ferhengê Zazakî [Dimilî, Kirmancî, Kirdî] Türkçe Açıklamalı](https://makpirtuk.de/wp-content/uploads/2022/11/ferhenge-zazaki-dimili-kirmanci-kirdi-turkce-aciklamali.jpg)
