Hamlet-William Shakespeare

Hamlet, yek ji girîngtirîn şanonameyên cîhanê û yên William Shakespeareê şanonûs, helbestkar û ekterê Îngilîz e, li jêr rêza pirtûkan a bi navê Şano, Hemû Lîstikên Wî hate weşandin. Ev pirtûk, piştî xebata dirêj a Kawa Nemir, wekî yek ji parçeyên hemû berhemên William Shakespeare û berhema pêşîn a vê rêzê hatiye çap kirin. Di nêzîk demê de jî, şanonameyên Shakespeare yên din wek Xewna Şeveke Havînê û Romeo û Juliet jî dê bêne weşandin; di pey wan de jî Othello û Macbeth hene.

William Shakespeare, helbestkar, şanoger, şanonûs û ekterê mezin a Îngilîz e, ku di 23’ê Avrêla 1564’an de li Warwickshireê, Stratford-upon-Avonê, ji dayik bû. Ew di 26’ê Avrêla de mohrkirin (waftîzkirin) bû û di 23’ê Avrêla 1616’an de li cîyê xwe yê jidayîkbûnê miriye.

Shakespeare, yek ji mezintirîn helbestkar û şanonûsên dîroka wêje û şanoya cîhanê ye. Ew di dehan qerekter û pêlewanên xwe bi şanonameyên wî afirandî, ku ji hemû serdeman re bûn çavkanî. Soneyên wî yên ku helbestên dildarî û hezkirinê ne, ku bi wergera Kawa Nemir di sala 2010’an de ji aliyê Lîsê ve bi Îngilîzî-Kurdî hatiye weşandin, jî hêj kêm helbest hene ku hatibin nivîsandin û di ser wan re bin.

Shakespeare hemî 35 şanoname, yek jî Hemû Sone ku ji 154 soneyan pêk tê, û 4 helbestên dirêj nivîsîne; hemî wan 40 berhem klasîk û mezin ne.