Xwendevanên bi rûmet û hêja. Em tev dizanin ku zargotina kurdî wek deryayek ku ser û binê wê nayê zanîn e. Bi hezar salan li ser ve erdnîgarîya welatê me bi hezaran çîrok û destan û stran hatine afirandin. Ji ber bihiştîya welatê me gelek dagirker û talankeran berê xwe dane welate mê. Çanda me talan kirine. Berhemên me ji xwe re birine li ser navê xwe li cîhanê belav kirine. Weke çîrokên hezar û yekşevê, weke çîrokên heywanan ku ewrupîya birine û wekî malê xwe bi kar anîne. Ji bo ji niha û pê vê pêşîya vê talankarîya bîyanîyan were girtin divê kurd bi dil û can li çanda xwe xwedî derkevin. Çîrok, stran, destan, gotinên pêşîyan, tiştanok, dûrik u lawijên Kurdistanê berhev bikin da ku em jî bi pesindarî qala zargotina xwe bikin. Ji deryaya bê binî dilopek be jî, me ji dengbêj u çîrokbêjên ku li Amedê ne, çend pirtûk amade kirin. Ev pirtûk ya yekemin e. Di vê pirtûke de ji devê dengbêj û çirokbêjan gelek stran, çîrok û destan hatine nivîsandin. Em gelek spasan pêşkêşi van hevalên hêja dikin ku alîkariya me kirin. Tİşten bi salan di hişe xwe de digirtin ji me re gotin. Me jî amade kir.
