Çar Leheng-Osman Sebrî
Di pirtûka “Çar Leheng” de, Apê me Osman Sebrî bi zimanekî rewan û berdil behsa lehengiya mêrxasên Kurd dike. Ew mêrxasên ku serê xwe li dijî sitemkarî û zordarîya dewleta Tirk hildan û navên xwe bi tîpên zêrîn di deftera niştimanperweriya Kurdistanê de nivîsand.
Ji Ferzendeyê xweşmêr, ku wekî siwarekî çak a Serhildana Agirîyê tê naskirin û cihê baweriya Îhsan Nûrî Paşa bû, heta Seyîdxan, Silêman Axa, Mistefa û Remezan, yên ku bi serê xwe li hemberî du alayên dijmin şer kirin û nêzî heftê leşker kuştin û birîndar kirin – hemû di nav vê berhemê de hatine beyan kirin.
Lehengê dawî jî Adil Beg e. Ew ku rûmeta xwe li pêşberî mifrezeya leşkeran neşikand, bêbavîya efserê Tirk danequrtand û bi xwînê de hemû mifreze vegevizand.
Osman Sebrî, ku bi xwe xweşmêrekî Kurd û welatperwer e, salên jiyana xwe hemû di nav zindan, jankêşî û derbederîyê de derbas kir. Ew bi pênûsa xwe ya tûj, qehremanîya Kurdistanîyên duh dike û nîşan dide ku meydana Kurdperweriyê tu carî ji wan xalî nebûye.
Ji bo hemû berhemên lîs Yayınları vir bitikînin
Ji bo hemû berhemên Osman Sebrî vir bitikînin
