Ev pirtûka di destê we de morfolojiya navdêrî ya sê devokên kurmancî ji hêla sosyolînguîstîk ve nirxandîye. Di naveroka vê pirtûkê de ne tenê ev devok hatine nirxandin lê di heman demé de termên bi morfolojîyê re eleqedar, û morfolojiya kurdî bi xwe bi awayekî berfireh hatine terîfkirin. Bi taybetî, taybetîyên morfoloji- ya navdêrî ya kurmancî yên avanîya îzafeyê, zayend, rewş bi hemû aliyên xwe ve hatine nirxandin. Di mijara îzafeyê de îzafeya berfirehbûyî û di mijara zayendê de sîstema dîyarkirina zayenda navdêrên kurmancî li literatúra kurmancî hatine zêdekirin ku heta niha li ser van mijaran xebatên bi hurgilî bi kurmancî û tirkî nehatibûn kirin. Dîsa di mijara rewşê de avanîya ergatîf, eslê wê di zimanên Îranî de û pêvajoya dîrokî ya rewşên gramatik bi awa- yekî berfireh hatine nîqaşkirin. Ji bilî van taybetîyên bingehîn, taybetîyên morfolojîya navdêrî ya sê devokên kurmancî bi nirxên dîsîplîna sosyolînguîstîkê ve hatine analîzkirin. Ji bo analiza van devokan axêverên her mintiqê ji hêla zayend û emr ve hatine dabeşkirin. Pirsên li wan hatî pirsîn jî ji hêla nivîskarê vê pirtûkê ve hatine amadekirin ku ji nêzîkê 200 pirsan pêk tên. Bikaranînên cuda yên axêveran hem di çarçoveya zayend û emrê wan de hem jî di çarçoveya cudahîyên devokî de hatine nirxandin. Gelek caran em rastî bikaranînên cuda yên balkêş hatine. Wekî, di devoka başûrê rojava de partîkelên îzafeyê ne li gorî nêrbûn û mêbûnê lê li gor însanbûn û neînsanbûnê hatine senifandin. Dîsa ji hêla bikaranînên cuda yên axêveran ve wexta tê nirxandin, axêverên heritage gelek avanîyên ecêp lê bi wate bi kar anîne.

Mijarên li jorê hatî rêzkirin û gelek mijarên din yên bi morfolo-

jîya kurdî ya navdêrî ve eleqedar di nav vê xebatê de cih digirin.